BAKIT?
Bakit laging, tayo’y naghihintay
Bakit laging, sa huli kumakaway
Bakit nga ba, minsan lang tumawa
Bakit pinipigilan, na ika’y lumigaya
Bakit pagnadapa, ayaw magsimula
Bakit kung naliligaw, pag-asa’y nawawala
Bakit sa lupa, ay di na bumababa
Bakit sa Maylikha, hindi na mapakumbaba
KORO
Hindi ko maintindihan
Tayong mga nilalang
Panaho’y pinapalipas
Kasalukuyan pinalalampas
Bakit kung wala na, saka hahanapin pa
Bakit nung kasama, iyong binalewala
Bakit ipadadama, kung hindi na makadama
Bakit di ginawa, nung mayroong pang hininga
Hindi ko maintindihan
Oras na iyong sinayang
Nakaraa’y di mababalikan
Kahit ito’y iyong pagsisihan
Kamalayang Kalayaan
ika-10 ng Agosto taong 2000
alas 4:24 ng hapon
sa aking silid