PANAGINIP AT REALIDAD
Sa mundo ko ay humihiwalay
Dinala sa ibang pook ng paglalakbay
At ganap magpasahanggang ngayon sa isipan
Ang napuntahan at nilakaran na daan
Mga istraktura nakapaligid na hindi makalimutan
Lalo na ang maamong mukha ng isang nilalang
Para bagang may gustong iparamdam
Sa mga mata niyang nababalot ng kalungkutan
Sa dibdib ako’y mayroong naramdaman
Sa pagkikita namin ng babaeng nag-aabang
Tinig ng puso niya sa aki’y mayroong ipaaalam
Subalit mata’y hinadlangan at ibinalik sa higaan
Ang naganap ay gusto kong balikan
Pagkakataon ako nama’y hindi inayunan
At inukit na lang sa silid ng karunungan
Panaginip na tinatak na mayroong dahilan
Kamalayang Kalayaan
ika 6 ng Mayo 1997
2:30 ng tanghali
sa kuwartong 710 ng
ospital ng manila doctors
