pagkakataong di dapat sayangin
maraming mga taong sinasayang nila ang pagkakataon tingnan ang kagandahan ng ating paligid, hindi habang panahon ay mananatili rito yan, maaring mawala ito sa likas na pamamaraan gawa ng rin kalikasan o kaya gawa ng mga mapinsalang mga nilalang, lahat ng mga bagay ay walang kasiguruhan ang kapanatilihan sa mundo. Kahit ang mga bato ay nadudurog sa haba at tagal ng panahon. Huwag sana nating isaalang alang ang mga pagkakataong hawak na natin, upang sa huli ay hindi natin ito ganap na pagsisihan.
panahong binuhos para magkakilala
pagkakataong di dapat sayangin
araw na nilaan upang dakilain ng sabay ang Maylikha
pagkakataong di dapat sayangin
oras na inukol tuwing kailangan ng makakapitan
pagkakataong di dapat sayangin
pagakay at ituro ang daan tuwing napaparam
pagkakataong di dapat sayangin
mga bumabagabag sa dibdib sa luha ito’y pinagsaluhan
pagkakataong di dapat sayangin
naiibsan ang lungkot tuwing napagmamasdan
pagkakataong di dapat sayangin
sa kasalanang nagawa humihingi ng kapatawaran
pagkakataong di dapat sayangin
hindi ang pagmamalaki sa halip ay pagpapakumbaba
pagkakataong di dapat sayangin
sensitibo sa mga salitang binibitawan at gawa
pagkakataong di dapat sayangin
pagpapahalaga at hindi ang pagbabalewala
pagkakataong di dapat sayangin
pagal ay nararamdaman dinadamayan sa pinapasan
pagkakataong di dapat sayangin
pangunawa’y nilalawakan at pinagninilaynilayan
pagkakataong di dapat sayangin
ipinunla ay pagmamahal, na pumukaw ng kusa
ito ang mga pagkakataong na di dapat sayangin
sapagkat hanggang ngayon sa akin ito’y wala
Kamalayang Kalayaan 99
