ESKUWELAHANG KONG MAHAL
Sa ika-apat na palapag paa’y duon dinala
Sa sulok ng koridor ay nagpasyang umupong mag-isa
Upang duo’y maghintay ng makakasama
Naghahanap ng mga kakilala
Inikot ang mata at tingnan sila ng isa isa
Duon natanaw ang mga estudyanteng naglilipana
Maraming mga bagay ang umiikot sa kaisipan
Hindi ko naman maibahagi dahil walang kakuwentuhan
Naghahanap ng taong may malayang kamalayan
Gustong isulat ang nasa isipan
Tulang tungkol sa mahal kong eskuwelahan
Na humubog at nagbigay ng karunungan
Eskuwelahang mahal mata’y binuksan
Pati tainga ay iyong binulungan
Ng mga katotohanang di namamalayan
Na nangyayari sa ating abang lipunan
Diwa at malayang kaisipan ay pinagyaman
At lubos na maintindihan, paligid na ginagalawan
Sa paglabas pabaon ay makataong pamantayan
Para Ibahagi sa mga taong salat sa katarungan
- Kamalayang Kalayaan -
January 26, 1999
