KAPAYAPAAN
Ako’y isinilang sa gitna ng labanan
Mga mata’y minulat sa kaguluhan
Ilang dekada na ang nagdaan
Patuloy pa rin ang paglalaban
Pilit kong sinasagot ang mga tanong
Mungkahi ko’y hindi nila tinutugon
Baril at bala ang kanilang tenga
Digmaan ang solusyon nila sa problema
KORO
Kapayapaan ang tanging nais ko
Sa aking bayan ito ang pangarap ko
Pag-usapan ang ugat ng labanan
Igalang ang mga karapatan
Kapayapaan hindi digmaan
Kapayapaan sana’y makamtan
Hindi muslim o kristiyano
Tayo’y mga pilipino
Kapayapaan ang tanging nais ko
Sa aking bayan ito ang pangarap ko
Buhay inyong pahalagahan
Wakasan ang madugong patayan
Kapayapaan hindi digmaan
Kapayapaan sana’y makamtan
Hiling ng mga kabataan
Ang hinahangad nilang kapayapaan
Hiling ng mga kabataan
Ang hinahangad nilang kapayapaan
Kapayapaan, Kapayapaan
Letra at Himig ni:
Kamalayang Kalayaan
ika-9 ng Abril taong 2000
alas 11:30 ng gabi
sa aking silid
