EMANNUEL
Tulad ka ng anak ng Maylalang
Biktima ng kasakiman at kalupitan
Sinugatan na tagos sa iyong laman
At di maintindihan sinapit na karahasan
Mukha mong walang kamuwang muwang
Nadamay sa labanan ng mapanglamang
Ikaw ang pumapasan ng kanilang kahangalan
Dinaan sa dahas ang iyong kahinaan
KORO
Emanuel, emanuel, emanuel, emanuel
Tugon mo sa kanila, luha sa mata
Emanuel, emanuel, emanuel, emanuel
Pinutol ang pag-asa, kasama iyong ama
Paano ka maglalakad sa iyong pangarap
Malinaw bang natatanaw ang hinaharap
Puso mo’y binabalot ng mga pangamba
Isip ay inukitan, hapdi ng alaala
KORO
Emanuel, emanuel, emanuel, emanuel
Sino ang may gawa, tila walang awa
Emanuel, emanuel, emanuel, emanuel
Hanap ay hustisya, na hindi mo makita
Emanuel, emanuel, emanuel, emanuel
Letra at Himig ni:
Kamalayang Kalayaan
ika-16 ng Enero taong 2001
alas 11:46 ng gabi
sa aking silid
